سەرکاو SARKAW

    شتە هەرە خراپەکە

 

 پیس بیکەین، ئای، پیس. خراپ بیکەین ئای، خراپ؛ شتە هەرە خراپەکە. ملیۆن جار خۆشتر لەوەی حاجیژن لەگەڵ حاجیلەدا، هەزار جار بەهێزتر لەوەی مەلاژن لەگەڵ مەلاکەیدا، سەد جار گەورەتر لەوەی پێغەمبەرێک لەگەڵ ژنە نۆ ساڵەکەیدا. خراپەکارییەک، دە جار پیرۆزتر لەوەی بەندە لەگەڵ خودای خۆیدابیکات.. ئەی یا، روەرە با بە دڕندەترین شێوە، دڕندانەتر لە ئیسلامی سیاسی توندڕەو، پێکەوە، دەست لەناودەست، بە هاوکاری و هەرەوەزی، هاوشان و هاوئاهەنگ بیکەین. 6ئەو شتە ترسناکە، زۆر مەترسیدارە، بکەین؛ پارتێکی دووکەسی دابمەزرێنین ئەمە درووشمەکەی بێت: تێکەڵبوون، یەکبوون، هاولەشبوون. بێوچان، ماندوونەناس، تا سەرکەوتن، ژێرکەوتن، هەناسەبڕکێ، سڕبوون و کزبوون و کپبوون و کەوتن و خەوتن. بیکەین و بیکەین و بیکەین، تا خوا دەڵێ بەس..

مرۆڤ هاوگانتبێ، نەک هاوخەباتت. مرۆڤ هاوگەڵت بێ، نەک هاوبیر و هاوسەنگەرت. جووتبوون، گانگانێن، خۆشەویستی پیسوپۆخڵ، هەزار جار لە مردن باشترە. سەدان جار لە جەنگ و براکوژی ئاخ، بۆ پەیوەندییەکی ناشەرعی لەگەڵ یەکێک لەو فریشتانەی خودادا، بۆ نموونە: ئەتۆی ئازیز و خۆشەویست، ئەتۆی بەخشندە و میهرەبان..

خشە خش، گوێم نووساندووە بە ڕدایۆ شەهوەتاوییە خنجیلانەکەمانەوە. ڕایبگەیێنە ئەو هەواڵە! کوژرانی خۆشەویستی درۆیینەی ئەفلاتۆنی. هەرگیز نەتکردبێ ئەو زانیارییە بەنرخەم لێ بشاریتەوە؛ مەرگ یا تۆپینی پاکیزەیی.

داوای زۆرم نەکردووە. وایە، یا وا نییە؟ گەر داوای زۆرم کردوو؛ لەڕێی سروودێکی جەستەییەوە، یا یادی هاونوێنێکی شەهیدەوە، بەیارمەتی خۆت، پێم بڵێ!

تکایە دەی! بەهەستمکە و بمهەستێنە، بەبیرمکە و بمبیرێنە، بەبەردمکە و بمبەردێنە، بەئاومکە و بمئاوێنە، دەسا دەی؛ شاعرمکە، ڕۆشنبیرمکە، بەزانامکە هێی، نووسەرمکە، سیاسیمکە، ڕۆژنامەوان و مەلامکە وای.. وای لە منێ وای..

خودایان یاربن، پێشنیارم ئەوەیە: ببینە دڕندەی یەک، خوشک و برای یەک، سەگی یەک، بووکەشووشەی یەک، لێفە و قەحبە و حیزی یەک، ئەندام مەڵبەند و ئەندام لق و چڵ و پۆپی یەک، ئەندامی پارت و ئەندامی زاوزێی یەک، جووت ئەندام و کۆئەندامی یەک، دەنک و قل و دانەی یەک، کەس و هینی یەک، یەکی یەک، ئەوەی یەکتر..

ئەوە پڕۆژەکەم بوو، لە کۆتاییدا درکاندم. هەموو نەخشەکەم خستە بەردەم و سەرمێزت، ئەی گشت کەسەکەم. گشت کەسم لێرە، ئەوانەیشی کە لێرەنین، ئەوانەی لە داهاتوودا لەدایک دەبن، وەک ئەوانەی مردن.

دەڵێم: تەنیا دەریایەک، زەریاچکەیەک، زەریاکۆڵەیەک هەستم پێ ببەخشە وهێچی تر. بە هەڵەی چاپی تێمەگەمە، بەستمە بە هێچی تر گۆی بکەم، هێچی تر، هەر بۆیە ئەوها دەینووسم. دەڵێم تەنیا هێندەی گەردوونێک، گەردوونۆچکەیەک، گەردوونۆکڵەیەک مەستم بکە وهێچی تر. لەم سەفەرە سەختەی جووتبوون و حیزبووندا، لەم سەفەرە بێنەگەڕانەوەیەی یەکبوون و شڕبووندا، هاونوێنمبە.. هاوسەرینمبە و هێچی تر. و هێچی تر. ئەو واوە تەنیایەی سەری دێڕیشم بە هەڵەی ڕێزمان و ڕێنووس تێمەگە، ئەی پاکیزە. مەبەستم بوو واوێکی تەنیا بخەمە سەرەتای ڕستەیەکی نوێوە وهێچی تر.

خودا شاهدە، نا، داوای زیادم لێ نەکردوویت نا. پێدەچێ وابێ، پێدەچێ وا نا، هەر خۆی دەیزانێ. ئەی جەناب و حەزرەت و زاتی پیرۆزی سەرجەم بەچەبازانی وڵات نافەرموون: هەر ئەو لە خواستە شاردراوەکانی دڵمان دەگا؟ کە وابێ ئەو ئاگادارە نیازم پاک نییە، من هەرگیز نیازم پاک نەبووە. زۆر بەتایبەت لەگەڵ تۆی ڕێزدار و هێژادا، باوکی باوکم.

وەرە ئەی یار، با هەموو نیازە گڵاوەکانمان جێبەجێ بکەین، هەموو نیازە قێزەون و تاوانبارەکانمان، هەموو ناشیرینییە جوانەکانمان؛ ئەوانەی لە هەنگوینیش تاڵ و ترش و تفت و مزرترن. ئەی مرۆڤانی ئاینی ناڵێن: هەر خودا پەی بە ناخی شاردراوە و پەنهانمان دەبا؟ ئەو کە هاوشێوەی من و هاووێنەی تۆیە، ئەو خراپەکارەی هاوڕێمان، ئەو نیازپیسەی هاودڵمان، ئەو هاوکارە خەپە گیانەمان. بیخۆم ئاوا، وردە خودای ترش وشیرین.. خودا نوقڵ و نەباتەکەم.. خودا چلوورە و ئایسکرێمەکەمیەزدانە دۆندرمە و پەروەردگارە بەربەپاپاکەم.. اللە پسکیت و چۆکۆلاتەکەم. وش بتخۆم ئاوا یا خودا.

دوورم، سەردەمانێکە لە دەریاوانیت، لە کەشتیڕانی تۆ، دوور. دەمێکیشە مەلەم نەکردووە. تامەزرۆی خۆڕووتکردنەوەیەکی ترم، لەسەر لمی کەنارت. وەرە ئەی جانەوەرە شەیتانەکەم، ئەی دێوەزمە ڕمۆزن و دڕندە خنجیلانەکەم، ئەی دێو و درنجی شەولەبانەکەم، با بە ناشەرعییانەترین شێوە جووتبین، بە ترسناکترین شێوە ئابڕووی خۆمان ببەین، شەرەف و کەرامەت و نامووس و هەیبەت و حیسییەت و شەرم و شکۆ و حەیای دایک و باوک و خاڵ و مام و پوور و ئامۆژن و نەنک و ژنە دراوسێکەیشمان و ئەوەی ئەژداد و ئاباد و نەتەوە و بنەماڵەمان پێکڕا هەموو، بێ دوودڵی و بێ ڕاڕایی، بەرین، پەتکەین و ببەین هەڵڕێژین و فڕێبدەینە زێرابی مزگەوتەکەی پشت ماڵتان؛ ئەو زێرابەی شکۆمەندانە و پایەبەرز بەژێر ئاودەستەکانیدا تێدەپەڕێت. با زێرابەکەیش لەکەدار بکات، چش، قیروسیامان. دواجار، کوژرانیش جۆرێکی ترە لە ئۆرگازم، جۆرێکی ترە لە تەڕبوون و ئاوهاتنەوە. تەنیا لە ڕەنگدا جیاوازن؛ ئاوی سێکس سپی و هی کوژران سوور، ئەوەی گوواویش ڕەنگاوڕەنگ.

وەرە درزێکم تێبکە و بمڕێژە. ڕووبارێک وشە و ڕستە و ڕاز و چیرۆک، شیوێک لە جووڵە، خەرەندێک لە هەناسە، لە نمە و ئاونگ، لە وردە هاواری کپ، خل خل دەردەکەون. وەرە با بە چڕنووکی عەشقکوڵمی ‌هێشووەترێمان بڕنین. وەرە با وێنەی یادگارییەکەمان بدڕین، هەزارپارچەی بکەین، هەر پارچەیەو لە باڕێکی شەو، لە سۆزخانەیەک، لە ڕابواردنگایەک، لە ماڵێکی سێکسدا خۆی ببینێتەوە. وەرە سەرپشکبە، بمدڕێنە، کەرتکەرت و کوزکوزمکە. دەبا جلانم هەلاهەلابن لەبەردا. بەسەر ڕێی ئەو کانییە ژەهراوییەی ئاوەکەی پڕ دەردە، وەرە با گۆزەکەمان وردوخاش بکەین. ئیدی هەرگیز جارێکی تر بە شکاویش نەگەڕێتەوە ماڵ.

جام بزڕێ، بزرنگێ، لەرەی بێ، خشەی بێت و ورشەی بێت وهاڕەی بێ، بەڵام نەشکێ. وەرە شوختم تێبکە، قڵپمکەرەوە، بمدە بە قەڵبەیەکدا. وەرە عەیبدارمکە، ئابڕووتکانێک بمڕووشێنە نەبێتەوە. ڕژانێک بمڕێژە، ئیتر بە هیچ دەستێک، بە هیچ گسکێکی نە ئاسایی و نە کارەباییکۆنەکرێمەوە.

نەبووەتە پیشەم، دەمێکە، نەکرداراندوومە، زۆر دەمێکە، بەلەم سواری. با سەوڵ تێژەنین هاژەی بێ، بەدەم وردە شەپۆلی مەنگ و قەتیسماوی هەنسکەوە، لە ئاوی بەخوڕی پڕ لرفەی ئەم ڕووبارە نوێیەماندا، ئاو. ئەها پەنگخواردنەوە و متبوونم چ شاعرانەیە؟ لەڕاستیدا چەپێندراوم من، خانم گیان، هێندەی چەپاندنەکەی نالی و مەحوی. ئەوەی ڕاستبێت خەسێندراوم من گوڵە گیان، بە بەرزی باڵای گەورە ڕۆشنبیرێک، ڕووناکبیرێکی مەزنی گەلەکەمان. ئیتر بۆچ شیعر نەسێکسێنم و سێکس نەشعرێنم بۆت، ئەی نازەنین؟

کێو، سەختم بکە. کێوسەختمکە ئەی خۆشەویست! دایکەکەی دایکم. دڵدارە داوێنپیسەکەم. بەکورتی و بە کوردی و بە پوختی بفیسکێنم: مەمگریێنە، لەجێی ئەوە بمگێ ئەی یار، بمگێ. بەگانمبە بەگانانەوە. هەی یاران، مەی یاران، یاخوا داکاتە جاران، بۆ داماو و بۆ هەژار و مەژاران. هەرچەندە خەریکە شاخەوانیم بیردەچێتەوە، دەزانم بەم زووانە بەسەرناچێت سەردەمی کۆکەنان. ناوەرزی نییە، بە پێچەوانەوە، هەنووکە وەرزیەتی. ئەوە نییە بەهارە؟! ئەی نابینیت جانی جانان؟ هۆ ئەستێرەی پڕشنگداری ناو تاریکی ئاسمانی سمتی شەوم، هەی ڕۆچووترین داڵغەم، جەنجاڵترین ئەندێشەم، پێدەشتترین پانتاییم... چی؟! چۆن نابینیت؟ خۆ کوێر نیت، ئەوە نییە بەهارە؟ جوان سیرکە ڕشکن.

کڕیاری تۆم، لەشفرۆشە بەڕێزەکەم، خانمی ئازیز، بەکرێم بگرە. بە سوغرەمبە خوشکی بەڕێز. چ سۆزدار، چ بەسۆز و چ پڕسۆزە ئەم سۆزەی من بۆ تۆ، ئەی سۆزانییە بەسۆزە پڕ سۆزەکەم؛ وەرە دیسان جارێکی تر و سەرلەنوێ، دووبارە و سەدبارە دووپاتم بکەرەوە، جەختم لەسەر بکە، سەنگین و قورس پێداگریم لێبکە، بیابانێک شیم بکەرەوە و وشکم بکە و هیشکم بکەرەوە، بیابانمکە ئەی یار بیابانمکە. خۆ کفر نابێ! نم و لمی تۆ بۆ من، لەو زیخ و خوێ زبرە گەلێ نیشێنەر و توێنەر ترە، کە زستانانی سەهۆڵبەندان، ئۆتۆمبێلی شارەوانی بەسەر شۆستە و شەقامە بەستووەکانی ئەم شارەد ادەیپرژێنێت. دواجاریش وەک ئەو بە توندی، زۆر بە توندی، بەسەر جەستەی ساردوسڕ و تەزیوتدابمپرژێنە، پەرش و بڵاوم بکەرەوە، بەهەڵمم بکە، لە دۆخێکەوە بمگۆڕە بۆ دۆخێکی تر، کە ئەوسا منیش بە تواندنەوە بتتوێنمەوە. گەر سوێربم وەک خوێ لەگەڵ تۆدا بەئاودەبم، گەر زبریش بووم وەک زیخ، لەپاش تۆ با لەسەر شۆستە و پیادەڕەوەکان پێماڵ و پێشێل بکرێم.

وەرە سەفەرێک بڕۆین، کۆچێکی دوایی پێکەوە بکەین.. دڵدڵێنێک و یاریارێنێک بەرپا بکەین، کە تێیدا، یار بە یار و دڵ بە دڵ بڵێت بچۆ بەولاوە و لاکەوە، بنکەوە، دوورکەوە، سەرکەوە، ژێرکەوە، ماکەوە، مەیکەوە، بمکەوە، بەچکەوە. دڵبازی و یاربازییەک دابمەزرێنین، هیچ دڵێک تێیدا دۆڕاوە و هیچ یارێک تێیدا براوە نەبێت. دڵشارکێ و یارشارکێیەک ڕێک بخەین، لەش و مێشک و دڵ و جەستەمانی تێدا ونبن. دڵەقۆ و یارەقۆیەک بکەینچیدی کەسمان سەر لە هیچ هەستێک، ئەگەر سادەترینیشە، دەرنەکات. یار و یارووکێک لەنێوانماندا ڕووبدات، کلک و گوێکانمانی تێدا بقرتێن. پێکەوە دەیان و سەدان و هەزاران جار بڵێین: من دوور تۆ دوور تەکامە، هەردووکمان دوور شەمامە.. دە وەرە! ئەی خاڵی کۆتاییم. ئالوولی ناو ئەدرەسی مەیلم، بێ تۆ، هەرگیز ناکەومە سەر تۆڕی هەوایی بێ تۆ، نامە و پەیامی هیچ کەسێک ناگاتە ماڵپەڕم. پەسەندمکە، بەشمکە، دامگرە و لە نامەیەکدا بۆ هاوڕێیانت بمنێرە.. شووم پێبکە، شوویەکی زۆر.. زۆر زۆر.. شوویەکی بەهێز.. گەورەترین شوو.. لە هەموو شووەکان پڕشنگدارتر.. لە هەموو شووەکانت بەپێزتر.. لە هەموو چیرۆکی پەیوەندییە پێشینەکانت بەتامتر. ئای چ شوویەک دەردەچێت؟ دوای سەد ساڵی تریش با بڵێن: ئەک لەو شووە! ئەوە چی بوو؟! یەکەم جارە شوویەکی وا بکرێت. ئەوە شووە، خەڵکیش شوو دەکا. زەواجمکە ئەی یار، زەواجمکە. نیکاحمکە ئەی یار نیکاحمکە. حەڵاڵمکە ئەی یار، حەرام و حەڵاڵمکە. محرەم و نامەحرەممکە. دایکەکەی دایکم. هەی دەڵەقۆڕەکەی دڵم، هەی ئەژدادی بێحورمەتم.ئەی هاوڕەوشت و هاوسرووشتەکەم، ئەی لەخۆم وێرانتر.